Ćuk
Otus scops
Sjeverna regija
Centralna regija
Južna regija
Oblast: Sve regije i gradovi Crne Gore
Dužina: 19-21cm
Raspon krila: 47-54cm
Zanimljivost: Jedina sova gnjezdarica koja je selica u Crnoj Gori.
O ptici: Ćuk je vrsta sove koja može gnijezditi u listopadnim i otvorenim šumama, u šumarcima na farmama, a i u gradovima - u većim vrtovima, parkovima i park šumama. Gnijezdo pravi u dupljama drveća, ali obzirom na to da se takvo drveće često uklanja, u nedostatku duplji prihvata i kućice. Naseljava Evropu i Aziju, i jedina je sova selica u Crnoj Gori. Zimu provodi u zapadnim i istočnim djelovima Afrike. Tijelo mu je veličine stisnute šake. U letu se vide duga i uska krila. Izdaleka se primjećuje smeđa ili sivkasta boja tijela, a kada je bliže primjećuju se crne uzdužne pruge, bjelkaste pjege i riđi djelovi. Kada je na stablu, boja i šare podsjećaju na koru drveta, pa je dobro kamufliran. Izražene su okrugle žute oči. Na glavi ima čuperke koji podsjećaju na uši, ali se vide slabo kada je u opuštenom položaju. Aktivan je noću, obično lovi po mraku i izbjegava sumrak za lov. Kako bi ostao sakriven i neprimjetan, stoji ukočeno. Hrani se insektima, ostalim beskičmenjacima, nekada čak i vodozemcima, gmizavcima i malim sisarima.
